مبارك عليكم الشهر وعساكم من عواده
سامحوني على التأخير والانقطاع .. بس والله كنت بحوسة مو طبيعية ولدي حبيبي كان تعبان شوي وكنت حايسة فيه بروحي :(
بس الحمدلله كل شي صار اوكي وقدرت اسيطر على الوضع...
دخل علينا شهر رمضان الكريم بحلاوته وحلاوة أيامه ..يمعة الأهل.. حوسة البنات في المطبخ .. يدخل الاطفال الى المطبخ ليخرجوا بقطعة سمبوسه ليتقاسموها في الحوش بعيدا عن انظار الكبار ... يذهب الشباب الى الجمعية ليعودوا محملين بانواع من الأطعمة والمشروبات (اليوع ومايسوي) ..
لمة في الصالة قبل الافطار .. عراك على الرموت كنترول .. (كل واحد يبي يشوف شغلة) .. ليسكتهم صوت الوالدة تخبرهم بأنه لم يتبقى سوى بضع دقائق على الافطار ليتحول العراك الى سباق للوصول الى المائدة..
الي يشرب تشريبته .. والي يجهز تمرته ويشيل منها الطعامة... والبعض حاط جدامة ثلاث قلاسات (فيمتو ولبن وماي)....
لنسمع بعدها صوت المدفع الصادر من جهاز التلفاز في الصالة (باطين جبدي الي يروحون يتكودون عند المدفع بدون سبب ويأشرون حق الكاميرة)
أجواء جميلية واجتماع لطيف .. يشعرني بالامان .. ولكن كل تفكيري.. بعيد هنااك .. في الصحراء حبيبي البعيد يقضي رمضان في شاليه متنقل مع بعض الرفاق .. يعملون نهارا وبعدها يفطرون .. يكملون بعدها العمل ...
الله يعطيكم العافية شبابنا .. كله اجر ان شاءالله ..
*********************************************
وهقة :(
اتفقنا ان نصمم لبس قرقيعان موحد حق اليهالو الي عندنا .. ورحنا نقينا الخام حق الصبيان والبنات .. واتفقنا على التصميم ... وطبعا ان شتطيت حدي وتليقفت وقتلهم شرايكم نقطهم عند الخياط الي وره بيتنا شكله فاضي وبيخلصهم لنا مبجر ..(طبعا هالحجي قبل رمضان بشهر )
خذيت الخام ورحت عند الخياط وفهمته كل المطلوب واهو يهز راسه (جين جين انا يعرف)قالي انه بسويهم ويدق علي حق البروفه
وانا اتكلت عليه ...
قبل رمضان باسبوع.. قلت مصخها خل امر اشوف شصار معاه....
رحت هناك وكااانت الصدمة!!!!!!
البيت الي كان فيه الخياط اختفى ... هاااااااااووو وييين راااح؟؟؟
قمت ادور جم لفه على نفسي وماكووو شي ؟؟؟
هدمووو البيت وراحت علي والحبيب مافكر يدق يقول شي عشان نعرف نتصرف :(
المشكلة اني كل يوم امر على الفريخ الي فيه الخياط بس ما لاحظت انهم قاعدين يهدمون...
قمت اسأل الاوادم الي حولين المكان يمكن احصل رقمه ولا اعرف معلومة .. ماكوو خلاص اختفى عن الوجود
عاد قمت أدق على امهات اليهالو واقولهم السالفه وأرقع الموقف .. الي تضحك علي والي تتطنز على خياطين منطقتنا ...
الزبدة انهم كلهم دبرو ملابس قرقيعان حق عيالهم وانا ماحصلت شي حق (دقمتي) هالسنة هاضمين حق الصبيان الصغار ماكو شي جاهز حق البيبيات ليش :(
الصراحة متوهقة ومادري شسوي ..
** يعني الصبيان كلش مايتعطلون دشداشه و وزار و قحفية و ياحلاته و يازينه تعالي شوفي لوية البنات و دوختهم انا شريت دراعة بنتي قبل ما اشتريلها البدله
ردحذف- الله يخليه لج انشالله و كل عام و انتوا بخير
قرقيعان و قرقيعان بيت قصير و رميضان عادت عليكم صيام كل سنه و كل عام
اي صاجة والله
ردحذفبس تعبت ادور المقاس
ولدي دقمة حتى ماكو قحفية قده :)
والمشكلة الخياطين ماعندهم وقت يصغرون ويضيجون
والله يسلمج حبيبتي مشكورة
وانتي بخير وصحة وسلامه
السلام..
ردحذفرمضان اجواءه غير ماشاءالله كافي الجمعه الحلوه اللي في..
وي مو خوش موقف الخياط ..
احنا ولد اختي خذيناله من معرض بس بسم عليه جريب السنه عمره ..
ومبارك عليج باجي الشهر..
ويي سلّم قلب الدقمه والله
ردحذفالله يخليلج إياه :*
وسالفة الخياط تقهر , صج إنه دايخ ما يعرف يدق :/
يالله إنشالله تلقين دشداشه كبره p;
رورو الشخبوطه
ردحذفاي والله يا حلو رمضان
اي شفتي شلون :(
الله يخليه لكم انا ولدي عمره 4 شهور ونص ونتفه:)
علينا وعليج حبيبتي
حَافِـيَةُ الَقَدمَيّـنْ ولِبَاسِي المَطـرْ
ردحذفهلا والله بالمبدعة :)
الله يسلمج حبي ...
اي انشالله اليوم ريلي بيرجع العصر وبروح معاه نشوفله شي
قالولي يمكن احصل ببروي يايبين سوالف حق بيبيات
مشكوورة على مرورج الحلو يا حلوة:)
وينج اختفيتي :(
ردحذفعسى ما شر حبيبتي :*
هند
ردحذفاسفه قطعت فجأة ماتوقعت اني راح انشغل هالكثر
مشكوووره وايد على سؤالج بعد عمري والله :*
الحمدلله انج بخير ..
ردحذف:*